...Outros tempos...

A riqueza mineira da comarca...

2010-01-10T19:54:00.002+01:00

A riqueza mineira, por unha parte inexplotada, foi unha das relumbrantes garantias do porvir da comarca do Ribeiro. O tesouro mineral das montañas do Ribeiro non foi descoñecido polos antergos. Existiron vistixios no século XIX, en parroquias coma as de Quins, Verea e Aguiar e Avión onde " de tal fino metal (estaño), que si o dos ingleses admite un 6% de chumbo, éste recibe un 30%". Os señores Schuzl e Paillete afirman que "a terceira e principal rexión estañifeira de Galicia existe nas montañas de Montes e de Avión, límites das provincias de Ourense e Pontevedra. O descobremento data de 1830, e vai aumentando pouco a pouco en importancia, pois actualmente coñécense máis de trinta filóns nun espacio de tres leguas cadradas. Algún destes filóns son de regularidade suma e certa riqueza, proporcionando estaño algo oxidado macizo en veas que teñen de un a vinte centímetros, estando acompañados de mica amarillenta e de cuarzo branco... A súa explotación, aínda que non foi suspendida dende a orixe do descubrimento do mineral, non tomou, sen embargo, o incremento que merecía, debido sen dúbida a falta de camiños, o aislamento desa comarca e sobre todo a causa do baixo prezo do estaño inglés en España. Neste distrito estañifeiro, conclúen, se atopan con abundancia belas mostras de tunstado de cal, de wolfran, de beldae as veces tamén, esmeraldas brancas.

Preto de Avión, as minas minas de Beariz foron explotadas pola compañía inglesa Tim Viso Limited. Cerca do pobo de Doade había demarcadas 152 hectáreas de aluvión estañífero propiedade de Forrest E Boum. No monte de Muradás, había tres minas que ocupaban unha superficie de 70 hectáreas , tamén de aluvión de estaño que apenas se explotaron.

P.Samuel Eiján, Ribadavia y sus alrrededores.

Un gasto de 62.000 euros de teléfono de Servizos Sociais de Avión recollidos nas contas de 2008 son en realidade 150 euros

2009-12-01T13:59:00.000+01:00

A portavoz do BNG de Avión, Almudena Valiñas, informou hoxe que a Conta Xeral do Concello de 2008 recolleu un gasto de 62.000 euros polos gastos de teléfono do Centro municipal Integral de Servizos Sociais ‘Alvetus’, e que, a pesar da extrañeza amosada na reunión informativa da comisión de Contas do mes de xullo, foi informada favorabelmente pola Secretaría municipal e polo alcalde e goberno do PP, aducindo que se trataba dunha centraliña telefónica.

Pero, ademais, o PP non tivo reparo algún en aprobala na sesión do Pleno do Concello do pasado mes de agosto, coa oposición do BNG e resto da Corporación municipal por considerala un gasto disparatado e incontrolado.

A portavoz nacionalista indicou tamén que ‘na comisión informativa amosei a miña alarma polo gasto tan excesivo que pretendía aprobar o PP, recibindo esta resposta do alcalde:

“Estas son as contas e aquí están.”

O alarmante producese o pasado 12 de novembro, cando tanto o alcalde como o secretario dan conta de que efectivamente existe un erro contábel nas contas, ao contabilizarse unha factura de teléfono de 62.918 euros cando en realidade era de 150 euros ao confundir o número de conta de co importe da factura.

Por todo isto, o BNG presentou unha iniciativa diante do goberno local do PP e do alcalde para que explique como tardaron máis de ano e medio en percatarse que había un desaxuste contábel de tal importe e por que razón non se fixeron caso ás demandas de explicacións e alarma do BNG. Para a portavoz do BNG, Almudena Valiñas, ‘isto reflicte o descontrol económico e as irregularidades do alcalde e goberno do PP, ademais da falta de transparencia para respostar á fiscalización feita polo BNG’.

Concello de Avión, 01 de Decembro de 2009

MOCIÓN PARA O ACONDICIONAMENTO E SINALIZACIÓN DO PATRIMONIO ARQUEOLÓXICO NO CONCELLO DE AVIÓN

2009-11-11T16:45:00.000+01:00

Pouco coñecido e aínda menos valorado, o concello de Avión posúe un valiosísimo legado arqueolóxico que na actualidade se atopa nun lamentable estado de conservación e de sinalización.

Numerosos son os vestixios da cultura megalítica achados no concello, mámoas, petroglifos, gravados, minas, etc. En moitos dos casos imperceptibles a simple vista debido as accións de repoboación nas zonas e a maleza que os rodean.

Así, por exemplo pódense destacar as mámoas e petroglifos atopados nas inmediacións da torre de Mourelle, preto da aldea de Pascais, a Laxa do Pousadoiro, na que se identifican 19 cazoletas, preto de Abelenda, Gravado do Porto da Arca, que marca os límites xeográficos entre as provicias de Ourense e Pontevedra, na Serra do Suído, ou a Laxa de Nuestro Señor na que se atopan máis de 200 cazoletas e 5 cruces, preto da aldea de Abelenda.

Tamén, explotacións de estaño entre as aldeas de Baiste e Taboazas, ou as do Pontegal en Rubillón, explotadas por empresas extranxeiras, das que se poden atopar ainda algunha casa na que residian os seus traballadores, etc.

Como xa comentamos anteriormente, todo iste patrimonio e case imposible de atopar hoxe en día, mesmo nalgún dos casos, nin con axuda dos modernos GPS.

Porén, sométese á consideración do PLENO, as adopcións seguintes:

ACORDOS:

1. Que o concello de Avión se comprometa a sinalizar todo o patrimonio arqueolóxico recollido no planeamento urbanístico aprobado no ano 2007, cunha breve referencia do lugar.
2. Que o concello de Avión se comprometa a manter limpos os accesos ás zonas mencionadas.

Avión, a 22 de Outubro do 2.009.

Asdo: Almudena Valiñas Conchouso.

Concelleira do BNG de Avión

Sr. ALCALDE DO CONCELLO DE AVIÓN.

Pásanse a pelota!!

2009-09-28T22:25:00.002+02:00

A Consellería de Vivenda e Solo, presidida por Teresa Táboas, con familia no concello de Beariz, concedeulle o Concello de Avión, vai facer xa un par de anos 10 vivendas de protección oficial.

Para os terreos, penso que se fixeron expropiacións e cedéronselle a esta Consellería perto de 1.700 metros para a súa obra, valorada nuns 1.200.000 euros. (Escribo de cabeza, pois moi o meu pesar a páxina da Consellería de Vivenda e Solo xa non funciona, e volvinme tola rebuscando no Doga).

Pasan os meses e non sabemos nada do tema, mesmo presentei un par de preguntas, relacionadas coas vivendas sociais, protección civil e co parque empresarial, neste noso concello con data 10 de Xullo de 2009, das que ainda non obtiven resposta. (Quedan 12 días, para cumprirse os 3 meses, data límite non??? O Valedor do Pobo dirá): ¿Cal foi o motivo polo que se denegou a licenza municipal para a construcción das vivendas sociais?

Máis a resposta atópase na acta da sesión ordinaria da xunta de goberno con data: 1 de Abril de 2009.

"DENEGAR á CONSELLERÍA DE VIVENDA E SOLO DA XUNTA DE GALICIA a súa solicitude de licencia para a construcción de 10 vivendas de promoción pública neste Concello de Avión, segundo o proxecto básico e de execución presentado, reactado pola Arquitecta Dnª. María A. Leboreiro Amaro, toda vez que, segundo o informe do Técnico Municipal, a normativa á aplicar é a recollida no Plan Especial para a creación de solo urbanizable para rquipamentos e vivendas de promoción pública, en vigor dende o 20 de novembro de 2007, cuxas ordenanzas reguladoras foron publicadas no Boletín Oficial da Provincia de Ourense nº. 265, do 19 de novembro dese ano, e que foi incorporado integramente, por referencia ó mesmo, ó Plan Xeral de Ordenación Municipal de Avión actualmente en vigor.

As devanditas ordenanzas do Plan Especial establecen que a edificación terá que cumprir, entre outras, as seguintes condicións:

- Planta soto e semisoto: destinarase a aparcamentos, podendo aloxar ademáis, faiados, sala de caldeiras, etc.

- Planta baixa: toda a área non ocupada pola construcción desta planta axardinaráse libremente. A construcción, salvo a rampla de acceso ó soto, recuarase 3 m. da aliñación oficial definida pola rúa.

- Cubertas: as cubertas estarán formadas por planos continuos inclinados cunha pendente máxima de 30º (60%) prohibíndose as iluminacións con bufardas nos planos inclinados. A altura máxima da cumieira non superará os 3,20 m.

Ante o anterior, polo Técnico Municipal infórmase que o proxecto presentado non se adapta ás determinacións do Plan Especial ao resolver a cuberta con unha terraza plana intransitable, non prevista no dito documento urbanístico, así como que non se adapta ás alineacións marcadas polo mesmo."

Un erro da Arquitecta, canto tempo se tardou en evaluar o proxecto dende que chegou as dependencias municipais? Cando comezan as obras?? Eso éche cousa da Xunta.

Pretenderán, agora, facernos ver que esto é cousa da magnífica Consellería de MEDIO AMBIENTE, TERRITORIO E INFRAESTRUTURAS???

Ains, preciso un curso avanzado de Urbanismo...jajajaj

Agora ben, con data 7 de Agosto de 2009, concedeuse provisionalmente licencia de urbanización e parcelación do polígono 1 do Plan Especial para a creación de solo urbanizable de Avión ó Instituto Galego da Vivenda e Solo da Xunta de Galicia ós efectos de que, no seu momento podan proceder a construcción de vivendas de protección autonómica no lugar de O Sifón.

Parcelación, polígono 1??? Dos proxectos aquí non se fala nada...Alguén me axuda...jajajaj

Por certo, se queredes saber algo máis sobre Teresa Táboas e o seu traballo pinchade aquí:

http://www.galegos.info/es/teresa-taboas-veleiro

MOCIÓN PARA A RECUPERACIÓN DO COTO DO CASTRO

2009-09-17T12:59:00.003+02:00

MOCIÓN PARA A RECUPERACIÓN DO COTO DO CASTRO
A cultura castrexa foi un conxunto de manifestacións culturais do noroeste da Península Ibérica que durou desde finais da Idade do Bronce (século IX ou VIII a.C.) até o século I d.C. A súa característica máis notábel son os poboados amurados coñecidos como castros, dos que toma o nome.
Desenvolveuse durante a Idade do Ferro sobre un forte substrato indíxena da etapa final da Idade do Bronce. A esta compoñente precastrexa sumáronselle influencias culturais centroeuropeas, atlánticas e mediterráneas; as primeiras serían consideradas tradicionalmente celtas e de aí a identificación popular e mítica que deu raíz ao celtismo. No lento período formativo, que duraría até o século V a.C. os castros fóronse estendendo de sur a norte e da costa cara o interior. Esta cultura desenvolveuse a continuación durante dous séculos e comezou a ser influenciada pola cultura romana no século II a.C. e continuou na forma de Cultura Galaico-romana despois da conquista e até os séculos III ou mesmo o IV d.C.

No concello de Avión contamos con dous castros, o que se atopa no monte do Castro, en San Xusto e o castro pertencente a parroquia de Santa Baia de Barroso, de menor tamaño.

O monte do Castro atópase no alto da aldea de San Vicente a 618 metros. Conta con muralla, terraza superior e recinto inferior. Sábese de achádegos fortuítos de moedas de ouro na década dos oitenta e de fragmentos cerámicos. Hai pouco máis de cen había dentro do castro unha imaxe de pedra de un metro de altura e de probábel factura bizantina, que equivocadamente é para os montañeses a estatua de San Salvador.

A muralla está construída a base de terra e cascotes, non sendo uniforme en todo o seu trazado, posto que hai zonas onde acada os 3 metros de altura, respeto da terraza superior.

A terraza superior caracterízase polo seu carácter rocoso, e nela atópanse restos de edificacións castrexas, mentras que o recinto inferior presenta unha superficie en plano inclinado y sumamente pedregosa.

Este xacemento singular, signo identificativo do noso pobo atópase abandoado dende hai décadas.

ACORDOS:

1. Instar a Consellería de Cultura e Turismo a realizar un estudo arqueolóxico do Coto do Castro.

2. Instar a Consellería de Cultura e Turismo á recuperación do xacemento arqueolóxico.

Avión, a 29 de Xuño do 2.009.

Asdo: Almudena Valiñas Conchouso.

Concelleira do BNG de Avión

Sr. ALCALDE DO CONCELLO DE AVIÓN.

E agora, as fotos!!

2009-09-14T22:15:00.011+02:00

Entrada a mina: Labor minera antigua sellada

Boca da mina, se te arrimas, sentirás un aire moi frío!!

A casa abandoada.

Será o zapato de algún antigo traballador, de profesión mineiro??

Por certo, o longo do percorrido, absterse os alérxicos as abellas, eso sí, están ben sinalizadas!!

Parte das colmeas.

E o meu tesouro, un ferro "normal" e a ferralla ou llama dun carro de vacas!! Quen se atreve a meterse conmigo??

A extracción mineira, recurso económico na época da Segunda Gerra Mundial

2009-09-14T20:34:00.006+02:00

O concello de Avión conta con abundantes xacementos de inerais , como poden ser:

- xistos micáceos e cuarzosos, filitas e ampelitas (Silúrico-Devónico) nas zonas da Serra do suído, Hedreira, Rubillón e na cunca do Cardelle.

- Anfibolitas, cuarcitas brancas pregadas, ortogneises, mecaxistos feldespáticos e paragneises, cuarcitas brancas e micaxistos cuarcíticos, nas zonas de Baíste, Rubillón e Amiudal.

- Aplitas e pegmamitas, na zona norte de Avión, presentando como característica máis importante un enriquecemento en estaño e volframio.

- Tamén asociados a filóns pegmatíticos nas Serra do Suído e do faro de Avión existen mineralizacións, que no seu tempo foron superficialmente explotados de columbita, tantalita, casiterita, expodumena e petalita ó longo dunha franxa duns 5 km de ancho. Podemos citar outros minerais de interese como a moscovita, moi abundante nos granitos moscovíticos da Serra do faro (na zona de Melón), os granates nos xistos e gneises da Serra do Suído. Tamén se encontra, anque moi escaso, o topacio na zona de Avión.

Se nos centramos no volframio, metal escaso na corteza terrestre, e de grande importancia na época da Segunda Guerra Mundial posto que con el se fabricaban armas e blindaxes militares, entenderemos por que os alemáns se acercaron o noso concello e o limítrofe de Beariz para a súa extracción.

Onte, despois de escoitar numerosas historias, e lembrarme de pequena, da miña excursión a estañeras de Galicia, decidimos ir en busca da antiga casa dos alemáns.

Pra variar un pouco, señalización non había ningunha e despois de camiñar un bó anaco atopámonos cun cruce, 50% de probabilidades de coller o correcto ou non. Atopámonos con restos dun cabalo morto, escombros e máis escombros, prantas e velenosas, un regueiro, e mira ti por onde a entrada dunha mina, que nin da súa existencia tiñamos.

Tivemos que dar volta atrás, era evidente que estabamos trabucados, posto que non había máis camiño.

Seguimos agora sí o camiño adecuado, e despois de un par de voltas e reviravoltas, cando xa non tiñamos esperanza algunha de topar nada de nada, é despois da insistencia de veña, home, vamos camiñar 5 minutos máis demos coa casa.

Está completamente abandoada, e un dos seus últimos usos seica foi o de corte para as ovellas dos veciños de Rubilón.

Dende a casa, se miras a túa esquerda e segues o camiño que hai, seica podes atopar máis minas abandoadas e restos da laboura dos alemáns na Segunda Guerra Mundial, mais hai que ter conciencia das horas que hai que invertir para chegar ata alá enriba, do abandoado e mal señalizado que se atopa, e dos folgos precisos.

Por que non explotamos todos os recursos que temos na zona e convertemos esta casa abandoada en refuxio para montañeiros, amantes da natureza, etc. Unha verdadeira fonte de riqueza sen explotar!!!

Das nosas muiñeiras...

2009-08-31T19:32:00.004+02:00

Mercedes Peón, lémbrome ben, sendo eu moi pequerrecha ía nos veráns a sardiñada da Santa Isabel recoller as letras das nosas cancións ... hoxe atopeime unha entrevista súa na que di:

"Su antigüedad no se mide en siglos, sino en milenios. Tanto esas modulaciones vocales, tan ancestrales, como el aire telúrico de las panderetas aportan una singularidad sólo comparable con ciertas expresiones musicales del Amazonas o de algunas etnias africanas"

"Las comarcas más ricas son las de Bergantiños, Val de Soneira o Tordoia, en A Coruña; Mondariz, en Pontevedra, y un pedacito fascinante en la provincia de Ourense, el concello de Avión, donde la gente, por estas cosas de los movimientos migratorios, habla gallego con acento mexicano".

Aquí queda recollida unha muiñeira da zona:

Muiñeira de Liñares

Todolos que aquí cantamos
todos sabemo-lo son-e
todos somos de Liñares
do concello de Avión-e

Estanoite ei de ir de verte
Carmela non teñas medo
deixame a porta trancada
cunha palla de centeo

Eu aquí nunca cantei-e
eu aquí nunca bailei-e
por sela primeira vece
non sei como salirei-e

Vou a dala despedida
como dan os labradores
co sombreiriño na man-e
e moi boas noites señores...

aialala aialale...

A PRAIA DOS AFOGADOS

2009-08-26T18:19:00.003+02:00

Nunha praia de Panxón, na ría de Vigo, aparece o cadáver dun mariñeiro coas mans atadas cunha brida de plástico. Os veciños falan dun suicidio, mais as primeiras investigacións amosan unha realidade diferente que levará o inspector Leo Caldas a mergullarse no ambiente mariñeiro da vila, nun universo onde o vento funga historias de naufraxios e de heroes que venceron o mar.

Libro que mezcla a vida do mar coa vida dos colleiteiros, mesmo podes imaxinar que te atopas no corazón do Ribeiro.

Unha que non é de Vigo nin moito menos, pode imaxinar perfectamente cal e o camiño que segue Leo Caldas cada día para ir dende a comisaría o bar das tapas!!

Unha novela sixela de ler, que realmente merece a pena e escrita por un galego, Domingo Villar, nado en Vigo en 1971, e escritor tamén de Ollos de Auga.

Brida?? Si amighinho, sí...esas que usas cada vez que hai eleccións e que de cada 3 escarallas 4!!

Cando o que se fai é copiar pegar...

2009-06-25T15:37:00.004+02:00

Decianme, nas miñas épocas de estudiante, que o de copiar e pegar, era unha forma de saír do apuro, para presentar os traballos a tempo, mais isto notábase e facía baixar a nota.

Isto mesmo debeu pasar nistas últimas semanas na Consellería de Economía e Industria, pois non lle atopo explicación o que me acabo de ler...

Recentemente sairon publicadas as subvencións de Industria, e léndoas detidamente, un artigo dí:

Considéranse actuacións subvencionables...as que cumpran cos seguintes requisitos:

e) "Empregar a lingua galega tanto no desenvolvemento da actividade como nos contidos de todo o material impreso, audiovisual ou electrónico que se produzca."

Pero non estamos con conto de que hai que defender o bilingüismo armónico, que o español está en perigo na Galiza??? Ou é que só é nos asuntos que lles interesa??

Cheirame a min que isto se lles colou e ben colado!! Máis alégrome!!

Bo día!

Primeiras impresións!!

2009-06-18T19:40:00.003+02:00

Onte, como sabedes foi o meu primeiro pleno, xa son concelleira do Bng en Avión!!!

A tarde empezou coma miña promesa...entrecortada, sobre todo na garda de lealdade o rei e a constitución!! Parece que inda vivamos nos tempos de Franco.

Estaba algo nerviosa, algo...moito, moito, pero levaba a chuleta ben feita!!

Despois de resolucións da alcaldia e tomas de coñecemento, entramos en tema.

Comezamos polo acordo de adhesión deste Concello de Avión ao Convenio Marco de Colaboración coa Deputación Provincial para o cumprimeno das obrigas municipais en materia de augas destinadas aou consumo humano. Ata o de aquí todo ben, pois se o hai que cumprir, cumprirase e non hai máis do que falar.

Agora ben, a cuestión e que existían dúas modalidades para firmar o acordo que viñan a ser:

a) Cobrarnos X euros por cada identificación e catalogación dos sistemas de abastecemento, elaboración dun programa anual de de control análítico, formación do personal da entidade local...

b) So cobrar 800 euros e adoptalas medidas precisas para o día 1 de xaneiro de 2010 cumprir as obrigas establecidas no artigo 111 bis da Lei de Augas e na Directiva marco da Unión Europea.

Ista soa moito mellor a que sí?? O noso concello debeu botar contas, e mellor levar a lei a raxa tabla como ate o de agora viñamos facendo sempre!!

En que se traduce todo o anterior?? Pois en que nos van por un contador, e teremos que pagar unha tasa pola auga consumida...Ben, ate o de aquí, e o que día a lei, pero debemos saber que moitas das traidas dos pobos do concello foron feitos con esforzo, cartos e traballo dos veciños...son nova, pero inda me lembro de aqueles días que se puñan, por exemplo para ir limpar as levadas, homer e mulleres que chegaban ata preto de Vilariño. Ou ir en busca da auga, por que non chegaba...

Pois si, que saiban que a auga non e deles nin do concello-díxose-, a miña idea, e a defendida polo BNG nos últimos anos, nos que os veciños que non disfrutaban dun servizo de augas municipal, tiñan dereito a recibir outro tipo de contraprestacións, non a debín explicar moi ben ou non quixeron entender... Algúns, porque algunha, bueno unha, asbtención dentro do PP si que houbo, o nunca visto!!!

Falaron dos orzamentos municipais, presentados cando xa leva transcurrido case medio ano... En fin, os orzamentos de Zapatero son malos malísimos por que non se tiña en contra a crise, os do Bipartito cheos de buratos, que os pobres non dan feito a facer remendos, porque outra cousa non fan, pero eso sí, os nosos a alza, vámolos subir un 10% Manuel, que agora xa temos o Feijoo na Xunta, e con nos, austeridade, ningunha!!

Pasaron outros temas e chegou o turno dos rogos e preguntas...

Xa vos dixen o comezo, que levaba chuleta, así que podo transcribilas:

Cando se van abrir a praia fluvial e a piscina ó público?? Vai contar con socorristas?? Vai haber concurso público para a explotación da instalación?? Vai ter algún coste para os veciños??

Seica a a praia fluvial se vai abrir en Xullo ou en Agosto, a data debe estar sen concretar, socorrista non teñen obriga de que o haixa e concurso público xa o houbo o ano pasado e ninguén se presentou.

Isto foi a resposta que se me deu, era o meu primeiro día, non estaba segura se preguntara pola piscina ou non, entón deixei pasar...Pero tiña testigos, así que preguntei se se escoitara a palabra piscina e seica sí, así que sigo agardando pola resposta.

O máis sorprendente e que hoxe as 12 e pouco da mañan me chegan dous sms:

1. Fisioterápia acuática, Aprobeitando a piscina de auga quente e o novo servizo de fisioterapia organizase este servizo para o verán Informese en Alvetus

2. Cursos Natación para maiores de 4 anos Curso Piragüismo para maiores de 8 anosComezamos xa Información e Inscripcións no Concello

Por deus, tanto lles costaría decir, pa semana, dentro de 15 días, dentro dun mes... imos ter isto aquilo..ata lle votabámos un aprauso se facía falla, pero non, amigos, o dito.

"Se queres información, La Región" (Pero tampouco te fies de todo o que dí.)

Denunciar, tamén dende aquí, a falta de respecto que hai por parte de algun-ha concelleiro, cando outros compañeiros da corporación municipal están a falar. Gustarache máis ou menos o que diga, facache gracia ou non, pero un respecto cando a outra persoa fala, debe habelo, máis cando a persoa que se ri dos demáis, pouco fai, e cando o fai, faino mal!!

Aprobeitar tamén dende aquí a todas aquelas persoas que me viñeron apoiar, nistes primeiros días..Chico, debeu ser a primeira vez que había tantos nacionalistas no salón de plenos, empatados co PP, 9-9!!!

Unha de cal e outra de area...(2)

2009-03-16T21:41:00.002+01:00

O pasado 12 de Marzo sae publicado en La región a seguinte noticia:

Protección Civil reforza en Avión o servizo diario de urxencias que ofrecía Cruz Vermella

A entidade benéfica reduce a cobertura a oito horas, alegando que son as que precisan máis atención.

Os voluntarios de Protección Civil de Avión encargaranse do servizo de urxencias sanitarias durante as 24 horas do día, unha vez que Cruz Vermella decidiu reducir a prestación no municipio e centrarse na cabecera de comarca, Ribadavia.

O Concello de Avión decidiu asumir esta semana o servizo de urxencias sanitarias que ata o pasado 8 de febreiro prestaba Cruz Vermella durante as 24 horas do día no municipio. O alcalde, Antonio Montero, xustifica esta medida, xa que a entidade benéfica reduciu os servizos a unha franxa horaria que vai das 10 da mañá ás 6 da tarde e na que ante unha urxencia particular é máis fácil pedir axuda a un familiar, veciño ou coller un taxi?.

O regidor ?popular? sostén que ?quedaban desatendidas as horas nocturnas nunha contorna rural e de difícil orografía cunha poboación elevada de xente maior?. Así, os voluntarios de Protección Civil encargaranse de atender calquera problema cunha ambulancia recientemente adquirida polo Concello, que entre o seu equipamiento inclúe un desfibrilador doado fai dous anos polas comunidades de montes de Avión, tal e como recorda Montero.

O alcalde engade que ?os responsables de Cruz Vermella non quixeron manter a colaboración con este servizo e non contaron para nada comigo para abrir unha vía de diálogo. Este extremo foi desmentido por fontes da organización benéfica, que aludiron a unha decisión da Fundación 061 do Sergas de concentrar as urxencias en Ribadavia como cabecera da comarca de Ou Ribeiro, un servizo que se viña prestando en avión desde o ano 2001. As mesmas fontes de Cruz Vermella confirmaron que ?a Fundación 061 financia este ano o servizo de oito horas os 365 días do ano, na franxa horaria na que, segundo un estudo técnico, prodúcense a maior parte das urxencias.

Cobertura

A base de operacións de Protección Civil para as urxencias manterase no posto ubicado no Campo dá Feira de Avión e que os traballadores de Cruz Vermella víronse obrigados a abandonar o pasado luns. O alcalde, Antonio Montero, comenta que ?desde estas instalacións se coordinarán todas as actuacións, non só de urxencias sanitarias senón tamén de incendios urbanos, accidentes de circulación, cortes de estrada ou calquera outra situación de urxencia que se produza?. Ademais do teléfono 112, o Concello pon a disposición dos cidadáns un número gratuito (800.007.823) de atención durante as 24 horas do día e todo o ano.

O regidor de Avión destaca, ademais, que este servizo non soamente presta cobertura ao municipio, senón tamén a Beariz, Boborás, Leiro, Melón e Carballeda de Avia, en Ourense, e aos concellos pontevedreses de Covelo, A Lama, Ponche Caldelas e Fornelos de Montes. Antonio Montero comenta que ?isto supón unha poboación atendida duns 15.000 habitantes. O Concello presentará en próximos días o novo servizo nun acto ?aberto a todos os veciños e persoas interesadas.

O día 13, a Cruz Vermella sae o seu paso, coa seguinte nota de prensa:

Cruz Vermella xustifica os cambios nas urxencias médicas de Avión no financiamento do servizo

Tralas críticas do regidor de Avión, Antonio Montero, pola decisión unilateral da Cruz Vermella de reducir, desde o pasado 8 de febreiro, a atención das urxencias médicas de 24 horas durante os 365 días do ano a só 8, que obrigou ademais ao Concello a facerse cargo desde o luns do servizo, o organismo solidario xustifica as motivaciones de devandito cambio.

A Cruz Vermella aclara que o servizo de transporte que se prestaba no citado municipio de Ou Ribeiro e a súa contorna concretábase a través dun convenio que tiña co 061, xa que aínda que, explican, «ou servizo de transporte sanitario é competencia do Sergas a través dá Fundación Urxencias-Sanitarias 061» e lévase a cabo mediante contratos con empresas privadas, aínda que en avión, pola súa propia xeografía, non estaba cuberto polo que en 2001 o 061 o formalizó coa Cruz Vermella.

Este ano o 061 financiou o seu prestación só 8 horas diarias todo o ano, nunha franxa horaria, di Cruz Vermella, «na que, segundo un estudo do 061, prodúcense a maior parte dous servizos» e o resto do tempo cubriríase con outros recursos de Urxencias Sanitarias. Opción que descartou o Concello de Avión que pasou a prestalo, a través de Protección Civil, as 24 hora diarias.

Será todo esto froito dunha acción, por parte do Concello, precipitada, pouco estudiada e sen contar coa palabra dos veciños e veciñas????

Andan as augas tranquilas!!

2009-02-16T23:33:00.006+01:00

...Ou iso fan parecer!!!

QUEREMOS MÁIS FUTURO

2009-01-18T19:35:00.004+01:00

ILUSIÓN
FUTURO

AVANCES

Despois da convención nacional celebrada onte na que Anxo Quintana, Alfredo Suarez Canal, Ana Ponton, Fernando Blanco e Teresa Taboas estiveron arroupados polos seus militantes e simatizantes sae a luz unha das primeiras enquisas fiables de cara as elección do 1 de Marzo, nela o BNG subiría tres escanos respecto do ano 2005 a costa da perda de votos do PP.

Pero temos que ser máis optimistas e como comentaban hoxe en compostela acadar as cifras máxicas 6,5,4, e 3.

6- A Coruña

5- Pontevedra

4- Ourense

3- Lugo

ADIANTE BNG!!!!!

PALESTINA VENCERÁ

2009-01-18T19:16:00.002+01:00

Iste domingo enchimos a praza da Quintana. Máis de dez mil galegos unironse as protestas contra Israel coa masacre contra o pobo palestino, recoñecendo o seu dereito a ter un estado propio.

www.gznribeiro.tk

2009-01-05T19:48:00.003+01:00

Co ano 2009 comeza a andaina na rede de Galiza Nova-O Ribeiro, estreamos blogue!! no que irán aparecendo as actividades levadas a cabo pola organización e na que se poredán deixar todos os comentarios que desexedes...

No o dubides, entra e deixa a túa opinión!!!

BO NADAL E TAL, E TAL...

2008-12-23T22:42:00.004+01:00

Din por ahí, que iste ano os reis e papa noel, tras os seus petos valeiros, estamos en épocas de apretarnos o cinto, así que como regalos non imos ter moitos, so dexesarvos un bo nadl en familia e un ano 2009 cheo de ilusión, novas expeirencias, unha suba salariaL...e todo o que vos queiradees pedir..o dito, BO NADAL E FELIZ ANO NOVO!!!!

Unha de cal e outra de area...

2008-12-21T00:48:00.002+01:00

XOVES, 18 DE DECEMBRO-2008

O xogo de bingo que clausurara a Policía Autonómica o pasado mes de xuño en Avión cumpría cos requísitos esixidos pola lei de Xogos de Galiza. Presidencia sobreseiu o expdiente sancionador aberto contra o Concello.

Segundo o alcalde, Antonio Montero era ‘buscar un momento de entretenimiento a la vez que de encuentro entre los vecinos de las distintas localidades’, a súa vez os premios eran de entre 3 e 8 euros, ‘da idea del poco movimiento pecuario que se generaba, siendo una actividad de relación social y puro entretenimiento’. Así mesmo conclúe decindo que foi preciso ‘una certificación expedida por el secretario municipal haciendo constar que en este Ayuntamiento no existe ningún antecedente ni documental ni contable en relación con la organización de ningún juego de bingo para que la Dirección Xeral de Interior no tuviera más remedio que dictar esta resolución de sobreseimiento del expediente sancionador’.

VENRES, 19 DE DECEMBRO-2008

Os servizos xurídicos da Consellería de Presidencia, Administracións Públicas e Xustiza abriron un expediente á Fundación Avión como promotora do xogo do bingo que foi clausurado por axentes da Policía Autonómica en xuño nas instalacións do Colexio público deste municipio do Ribeiro.

Presidencia comunica que ‘se procedeu á apertura doutro expediente contra a Fundación Avión, tendo en conta que o bingo non é legal’. Segundo as mesmas fontes ‘esta actividade incumpre a normativa correspondente, sobre todo no referido ó artigo 2 do Decreto 181/2002 do 10 de maio polo que se aproba o regulamente deste xogo’.

Mellor con ou sen disfraz???

2008-11-30T23:38:00.005+01:00

Estas son unhas fotos de ala polo Samain...celebración celta que o cristianismo reconverteu no día de todos os santos...Desta volta celebrando o Ribeiro Rock, en Castrelo de Miño,

O traballo en familia non parece traballo!!!

2008-11-30T23:21:00.006+01:00

Aquí unhas preciosas imaxes enviadas pola miña queridisima prima Rocio, facendo as nosas labores, xa sexa verán ou inverno, o rematar o xantar, o caso e traballar!!!

O COTO DO CASTRO

2008-11-23T21:57:00.002+01:00

O monte do Castro atópase no alto da aldea de San Vicenzo a 618 metros. Conta con foso e dúas murallas, apreciándose varias casas semicirculares. Sábese de achádegos fortuítos de moedas de ouro na década dos oitenta. Hai pouco máis de cen había dentro do castro unha imaxe de pedra de un metro de altura e de probábel factura bizantina, que equivocadamente é para os montañeses a estatua de San Salvador.

Cantas veces non fomos de pequenos en busqueda da pisada do xigante ou da silla do rei??

ESPAZO NATURAL DE INTERESE LOCAL

2008-11-23T21:41:00.002+01:00

O concello de Avión, ven de aprobar por unanimidade, unha moción presentada por Galiza Nova, na que se insta a Consellería de Medio Ambiente a declarar a zona do río Couso Espazo Natural de Interese Local.

A Lei 9/2001, de Conservación da Natureza define ós espazos naturais protexidos como aqueles espazos que conteñan elementos ou sistemas naturais de particular valor, interese ou singularidade, tanto debidos á acción e evolución da natureza coma derivados da actividade humana, e que fosen declarados como tales.

ESPAZO NATURAL DE INTERESE LOCAL

Espazos integrados nun termo municipal que polas súas singularidades sexan merecedores dalgún tipo de protección dos seus valores naturais.

Declaracións de "Pachi Vázquez"

2008-10-27T14:53:00.002+01:00

O Conselleiro de Medio ambiente ven de declarar que "Están en marcha todos os trámites para modificar a Rede Natura” e que “Ao Goberno de Touriño non lle treme a man coas empresas, nin en minicentrais, nin en eólicas, nin en acuicultura"

Pois nós só agardamos que sexan verdade estas verbas do señor conselleiro que está a votar abaixo o noso país.

Tesouros baixo o encoro de Albarellos

2008-10-20T22:44:00.004+02:00

O encoro de Albarellos colle terras de Avión, Beariz, Boborás, Carballiño, O Irixo, Carballeda e Leiro. O seu paso recolle ríos e regatos como poden ser o Avia, o Couso, o Folos e o Valdeiras...

Dende hai moitos anos, no verán, sempre nos imos bañar a Mourelle, cerca da antiga aldea do Fontao, e os máis vellos sempre nos contaban que alí, sumerxida baixo as augas, se atopaba unha ponte moi, moi antiga. Tamén contan que hai outra pola Carboeira, pero claro un ata que o ve non o cre.

Hoxe podo decir que o creo, o embalse vai tan baixiño por mor diste tempo tan extrano do Outono que deixa unhas imaxes moi fermosas, ahi vos van:

En marcha pola soberanía das mulleres galegas

2008-10-20T22:28:00.003+02:00

Ista pasada fin de semana ven de celebrarse a Marcha Mundial das Mulleres na Galiza, iste ano centrada na soberanía alimentaria, nela estivemos representados tanto por militares de Galiza Nova como do Bng, encabezados polo noso presidente Anxo Quintana.

Unha marcha que comezou con timidez pero a que pouco a pouco a xente se foi animando a unirse, sendo ó final unhas dúas mil persoas de distintas nacionalidades.

Fotos dos lugares máis fermosos de Avión

2008-09-30T22:15:00.009+02:00

Dista volta quenes viñeron foron uns amigos de Ourense e como non fomos ver as bodegas e tamén o muíño recen arranxado entre os ríos Avia e Couso, cerquiña da aldea de Pascais.

A ver se aprendemos a contar!!!

2008-09-30T09:15:00.003+02:00

O Bng de Touro denunciou este pasado fin de semana a existencia de troitas mortas no río Ulla, máis o conselleiro de Medio Ambiente réstalle importancia ao dicir que somente morreron unhas 15 ou 20.
Eu propóñobos un xoguiño... A ver cantas troitas mortas sodes capaces de ver na foto???
E que dende logo...

A cultura de Avión, en fotos

2008-09-29T21:30:00.006+02:00

Hai un par de anos viñeron unhas amigas do instituto facerme unha visita, e eu amoseilles o que para min é Avión.

Espazos verdes, auga e patrimonio cultural no río Valderías.

Un só día de visita, e moitas sorpresas atopadas...

2008-09-29T19:34:00.009+02:00

"Manuel María, poeta do pobo"

Poeta épatriota galego, foi militante de Galiza Nova co carne número 2507 e que mantivo sempre o seu compromiso con Galiza, a nosa lingua e o noso pobo.

" A nosa lingua é galega"

Campaña do ano 2006 na defensa da lingua galega.

Histórico debut da selección galega
Ista campaña xorde como consecuencia do primeiro partido da selección galega o 29 de nadal de 2005, no que o noso combinado se enfrontou á selección do Uruguai, a que venceu por 3-2.
O día 29 fomos unha nación tamén no céspede.

Somos galegos, somos galegas que non decidan por nós.

Polo dereito de Autodeterminación. Ista campaña presentouse por o día da Constitución no ano 2007 e con ela reinvidícase o dereito de que se recoñezan as nacións que existen no Estado, como a galega, a través dun Estado plurinacional,pluricultural e polilingüe.

O Rei dos Xibaros foi de Amiudal

2008-09-29T13:18:00.005+02:00

Coñecido como Alfonso Graña, Alfonso I da Amazonía , rei dos Xíbaros, naceu en Amiudal no ano 1878, e foi a finais do siglo XIX cando embarcou para Brasil, e despois para Iquitos no Perú.

Trala crisis do caucho no ano 1922 internouse na selva acompañado por un veciño na que se atoparon cunha tribu de indios xíbaros, o seu amigo mátano e él sálvase porque se namora del a filla do rei.

Alfonso Graña faleceu no ano 1934 dun cancro de estómago.

Medio Rural acorda declarar a prevalencia da utilidade pública do PXOM de Avión (Ourense) sobre a do monte veciñal de San Xusto

2008-09-11T11:18:00.000+02:00

O Consello da Xunta aprobou o acordo da Consellaría do Medio Rural de declaración da prevalencia de utilidade pública do Plan Xeral de Ordenación Municipal do Concello de Avión, no relativo á creación do solo industrial, sobre a do monte veciñal en man común de San Xusto, na provincia de Ourense.

Ourense, 27-03-2008 A Lei de Ordenación urbanística e protección do medio rural de Galiza dispón que a aprobación dos instrumentos de ordenación urbanística levará a declaración de utilidade pública e a necesidade de ocupación dos bens e dereitos afectados aos fins de expropiación ou imposición de servidumes.O Concello de Avión solicitoulle á Delegación provincial da Consellaría do Medio Rural en Ourense a declaración de prevalencia da utilidade pública do Plan Xeral de Ordenación Municipal do Concello, no relativo á creación de solo industrial, sobre a do monte veciñal en man común de San Xusto, pertencente á parroquia de Avión (Santos Xusto e Pastor) cunha superficie de afección de 72.022 m2, conforme o decreto que esixe a declaración expresa da Xunta para a expropiación dos montes veciñais en man común por causa de utilidade pública ou interese social prevalente ás do propio monte.O Servizo de Montes e Industrias Forestais informou favorablemente a prevalencia, logo de notificarlle á comunidade afectada o proxecto e sen que se presentasen alegacións no prazo establecido.

Deslindamento dos concellos de Avión e Carballeda de Avia

2008-09-11T11:12:00.000+02:00

Doutra banda, preguntada sobre a situación na que se atopa o expediente de deslindamento dos concellos de Avión e Carballeda de Avia, a directora xeral de Administración Local lembrou que o 15 de abril de 2008 “informouse favorablemente e por unha unanimidade da Comisión Galega de Delimitación Territorial este expediente”, polo que na data en que se lle formulou a pregunta, o 28 de abril, o trámite “xa estaba feito”.
Así mesmo, Rodríguez Rumbo, negou calquera tipo de discriminación ao concello de Avión e afirmou que o prazo de 2 meses e 9 días que tardou en tramitarse o seu expediente de deslindamento é inferior a de moitos deslindes anteriores, como os de Cerceda e Forcarei (5 meses e 10 días), Neda e San Sadurniño (11 meses e 6 días), Barro e Porte (9 meses e 19 días) ou Coristanco e Carballo, que tardou 3 anos, 3 meses e 20 días. Segundo a directora, estas cifras son datos suficientes para asegurar que a súa dirección “cada vez axiliza máis os trámites” e resolve con maior celeridade convocando á Comisión Galega de Delimitación Territorial.

CONSELLERIA DO MEDIO RURAL

2008-09-11T11:08:00.001+02:00

Convenio de colaboración entre a Consellaría do Medio Rural e o concello de Avión para a participación na protección de núcleos rurais mediante a realización de traballos de prevención e defensa contra incendios forestais nas áreas de especial protección.

VICEPRESIDENCIA

2008-09-11T10:47:00.004+02:00

10 de Marzo de 2008
Subvencións de Vicepresidencia o Concello de Avión

*Punto de atención á infancia (PAI) municipal, 14.000,00 euros.

*Prevención e eliminación da violencia de xénero, 1.000,00 euros.

VICEPRESIDENCIA DA IGUALDADE

2008-09-10T12:47:00.002+02:00

Resolución do 22 de febreiro de 2008 pola que se procede á publicación das subvencións concedidas en virtude da Orde do 31 de xaneiro de 2007 pola que se convocan axudas para o desenvolvemento de programas de educación familiar polas corporacións locais de Galicia.

De conformidade co disposto no artigo 18.1º da Lei 38/2003, do 17 de novembro, xeral de subvencións, e no Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, procédese á publicación das subvencións concedidas en virtude da Orde do 31 de xaneiro de 2007 pola que se convocan axudas para o desenvolvemento de programas de educación familiar polas corporacións locais de Galicia.

Finalidade da axuda: as axudas teñen por obxecto financiar programas de intervención familiar que desenvolverán as corporacións locais a través de persoal técnico que se incorporará ao equipo de servizos sociais de atención primaria. Norma reguladora: Orde do 31 de xaneiro de 2007 pola que se convocan axudas ao desenvolvemento de programas de educación familiar polas corporacións locais de Galicia (Diario Oficial de Galicia nº 27, do 7 de febreiro).

Desta volta, o Concello de Avión recibiu 7.120,00 €

CONSELLERIA DO MEDIO RURAL

2008-09-10T12:03:00.003+02:00

Resolución do 25 de agosto de 2008 pola que se anuncia a contratación, polo procedemento aberto e trámite ordinario, de vinte e tres obras de repoboacións forestais e tratamentos silvícolas.

1. Entidade adxudicadora.

a) Organismo: Consellería do Medio Rural.

b) Dependencia que tramita o expediente: Dirección Xeral de Montes e Industrias Forestais.

2. Obxecto do contrato.

Obra 12: tratamentos silvícolas, restauración da cuberta vexetal e mellora da rede de infraestrutura nos MVMC Amiudal e Comunal de San Xusto das CMVMC dos veciños das parroquias de Amiudal e Avión (Avión, Ourense).

Obra 15: proxecto de tratamentos silvícolas nos montes de Barroso e Vilar e Cortegazas (concello de Avión), monte A Serra (concello de Castrelo de Miño) e monte Espiñeiros (concello do Irixo) pertencentes ao distrito forestal XI O Ribeiro-Arenteiro (Ourense).

Obra 16: proxecto de tratamentos silvícolas e infraestruturas preventivas no monte Arnelas, concello de Beariz. 32M15/08. Obra 17: proxecto de restauración da cuberta vexetal e mellora da rede de infraestruturas preventivas nos montes Comunal de Couso, Foral de Acevedo, Foral de Rubillón e Comunal de Abelenda, pertencentes ao distrito forestal XI O Ribeiro-Arenteiro.

O Centro Comarcal do Ribeiro acolle un seminario sobre creación de empresas no rural

2008-09-05T11:09:00.001+02:00

A Consellería do Medio Rural, a través da Axencia Galega de Desenvolvemento Rural (Agader), organiza un Seminario de iniciación á creación de empresas no rural, que se desenvolverá no Centro Comarcal do Ribeiro durante os días 10, 11 e 12 de setembro, en horario de 16:00 a 20:00 horas. Esta actividade forma parte dos Seminarios de Emprendemento no Rural impulsados pola Consellería e que están encamiñados a estimular a creación de negocios nestas zonas, ademais de lle ofrecer aos interesados asesoramento sobre a planificación empresarial.
O Seminario de Iniciación celebrarase en tres sesións de 4 horas cada unha, e está dirixido a todas as persoas que desexen obter información xeral sobre o proceso de creación dunha pequena empresa, ademais de sobre como se poden xerar e madurar ideas de negocio. A Consellería do Medio Rural fomenta a actividade emprendedora como ferramenta de dinamización do rural a través dun calendario de seminarios, que se desenvolverán entre os meses de setembro e outubro, nos centros comarcais da Ulloa, do Salnés, de Bergantiños, do Carballiño, de Terra de Lemos, de Ordes e de Terra de Caldelas.
A primeira das sesións está dedicada ao emprendedor e a presentar o autoemprego como unha opción máis no mercado laboral; a segunda centrarase no proceso de xeración das ideas de negocio, así como na importancia da maduración destas ideas para que a empresa sexa viable; e, na última, ofreceranse técnicas de avaliación das ideas que xurdan co obxectivo de analizalas dende unha perspectiva empresarial para comprobar o seu potencial.
A participación nesta actividade é gratuíta, aínda que as prazas son limitadas polo que é preciso que os interesados se inscriban canto antes no propio centro comarcal, a través do teléfono 988 47 71 40, do fax 988 47 12 54, ou do correo electrónico ccribeiro@comarcasdegalicia.com.

Entre todos conseguiremos que as minicentrais non destrúan os nosos ríos

2008-09-05T10:38:00.001+02:00

O Concello de Avión sitúase no noroeste da comarca do Ribeiro. Limita ao norte con Beariz, ao sur con Carballeda de Avia, ao leste con Boborás e Leiro, e ao oeste cos concellos da Lama, Fornelos de Montes e O Covelo.

É un concello que se caracteríza polas súas montañas e relevo accidentado. As serras do Suído e Faro de Avión limitan o concello polo oeste superando os 1.000 metros de altitude. Desde os cumios o relevo descende abruptamente, dando lugar a vales encaixados. As serras do Suído xunto coa do Cando forman unha primeira barreira que recolle un gran volume de precipitacións atlánticas no sur da Dorsal Galega. A orografía condiciona unha paisaxe de elevacións e altiplanicies. Conserva boas manchas boscosas como as carballeiras e pozas do Verdugo ou as do río Xesta, preto da localidade da Lama

O seu río máis importante é o Avión, que se xunta logo co Avia, que ten ademáis como afluentes o Couso, Taboaxas, Vilariño, Balaga, Cubeta é Foloso.

O clima de Avión ven condicionado polas diferenzas de altitude entre as distintas terras do concello e o encoro de Alvarellos. Nas serras do Suído e Faro de Avión o clima é de montaña, frío en inverno e con intensas precipitacións mentres que nas zonas máis baixas as temperaturas son máis cálidas aproximándose ao tipo de clima mediterráneo da comarca do Ribeiro. Na zona intermedia entre a montaña e os vales pode decirse que aparece un tipo de clima continental.

Na actualidade varias centrais hidroélecricas ameazan ríos da Serra do Suído protexidos e propostos pola Xunta para formar parte da ampliación da Rede Natura 2000. Ista zona sofre unha sobreexplotación hidroeléctrica, con varios saltos nos seus leitos fluviais e coa implantación de varios parques eólicos.

En concreto a proposta de construcción dunha minicentral no río Couso, pola sua beira dereita. Este río atópase entre os recollidos na norma 2.2.2.6. do Plan Hidrolóxico Norte I como tramo protexido por interés medioambiental. Esta clasificación obriga a que o seguemento das súas augas se centren no mantemento da súa calidade natural e en evitar as intervencións sobre o cauce tendentes a modificar a fauna e a flora do río.

Os principais elementos ambientais do entorno do proxecto, afectados pola construcción e explotación do proxecto, son os que a continuación de detallan:

v Solos: Os solos, de carácter ácido e de perfiles pouco evolucionados. Actualmente considérase que o balance de materiais do solo está equilibrado. A fraxilidade do solo e a elevada pendente das ladeiras da zona permiten supoñer que poderían comezar episodios erosivos de certa entidade na zona.
v Hidroloxía e calidade das augas: Río non regulado, aínda que afluente do río Avia o cal si presenta regulación. Caracterízase por ser un río típico de montaña sobre sustratos ácidos e con unha oligotrofía moi acusada nas súas augas. As poboacións de troitas da zona teñen un crecemento pobre aínda que se atopan alevíns e clases superiores de idade o que indica que existe certa renovación da poboación que fai que sea viable o seu mantemento.
v Réxime de caudais: O caudal medio interanual calculado é de 0.695 m3s-1.
v Vexetación: Os elementos que compoñen o aproveitamento, os camiños a construír e as zonas de acopio e parques de maquinaría afectarán a seguinte vexetación:
§ Vexetación de ribeira composta por bidueiros, salgueiros, carballos e amieiros. Ocupa, de forma intermitente a banda máis próxima as beiras do río. A ribeira non está moi desenrolada en ancho debido as fortes pendentes das ladeiras do val.
§ Matorral principalmente composto por uceiras que tapizan as zonas máis altas.
§ Pinar eucaliptal, plantacións de pinos e eucaliptos, así como a súa recente repoboación.
§ Carballeiras mixtas de carballos e sobreiras.

v Fauna: A fauna afectada polo proxecto dividese en tres grandes grupos.
§ Fauna protexida presencia de lontras na zona e posiblementetamén de auganeira (Galemys pyrenaicus).
§ Ictiofauna existencia dunha poboación de troitas estabel, cunha boa distribución de idades ainda que cun pequeno tamaño poblacional.
§ Macroinvertebrados, destacar a importante comunidade de macroinvertebrados na zona, tanto polo nivel de endemicidade como pola súa importancia para o funcionamento do ecosistema o constituír a base trófica fundamental da comunidade faunística presente no ró Couso.

Destaca o informe da Dirección Xeral de Conservación da Natureza, da Xunta de Galicia no que se considera que o caudal proposto non é suficiente para garantir o mantemento dos procesos ecolóxicos que se producen no río de costruíren a minicentral.

As posibles afeccións as especies e habitats de interese comunitario son as seguintes:

Acumulación de impactos pola proximidade con outros aproveitamentos hidroeléctricos.
Modificación do réxime de caudais ecolóxicos, así como dos dispositivos de franqueo e dos elementos de protección da fauna acuática.
Pérdida de solo durante a fase de obras, principalmente na cosntrucción dunha franxa para enterrar a tubería de derivación.
Impacto directo os movementos migratorios das troitas, debido o descenso da velocidade, aumento da temperatura media e risco de pérdida de frezadeiros.
Apertura de camiños e ampliación das zonas de ribeira, ademáis de grandes franxas para que as máquinas poidan traballar con seguridade.
Emisións de polvo a atmósfera.
Emisión de ruídos.
Posible caída de rocas o cauce do río.
Etc.

Penso que aquí falta algo??

2008-08-20T10:39:00.006+02:00

Parques Naturales de Galicia
- Baixa Limia-Serra do Xurés
- Dunas de Corrubedo y Lagunas de Carregal y Vixán
- Enciña de Lastra
- Las Fragas del Eume
- Monte Aloia
- O Invernadeiro
Parques Nacionales de Galicia
- Islas Atlánticas de Galicia
Reservas de la Biosfera de Galicia
- Área de Allariz
- Os Ancares Lucenses y Montes de Navia, Cervantes y Becerreá
- Río Eo, Oscos y Terras de Burón
- Terras do Miño

De non ser por todas as accións do home nistes últimos anos a Serra do Suído debería estar considerada cando menos como Reserva da Biosfera de Galicia, soamentes se atopa recollida como Espazo protexido.

A serra do Suído tivo e ten unha grande importancia para os labregos que viven as súas beiras, aínda hoxe se poden ver os chozos do Suído, que durante séculos foron usados polos poboadores de case todalas parroquias do Concello de Avión. Alá levaban o gando nos veráns, ó sitio que os labregos lle chaman sesteiros, que é unha zona case que reservada para o gando de cada aldea, aínda hoxe existen o sesteiro da Abelenda, do Rodeiro, dos Boeixos, e de case que todos os pobos do arredor. Pódense ver os chozos subindo por unha estrada que se atopa en Nieva, ou por outra que hai no lugar de Mangueiro ou indo do Espiñeiro, na parroquia da Amiudal cara a Edreira.
No alto da serra, vindo de Beariz cara a Pontevedra, está a Portela da Cruz. Nela pódense atopar vestixios dun camiño moi antigo, que se chama a Verea, e que era unha vía de comunicación moi importante para toda a zona, xa que atravesa todo o Suído e chega ou chegaba cando menos a Graña, xa en Pontevedra. Suponse que foi parte dun camiño real que se enlazaba con outros que unían Castela e Euskadi, rematando na Coruña.

As serras do Suído xunto coa do Cando forman unha primeira barreira que recolle un gran volume de precipitacións atlánticas no sur da Dorsal Galega. A orografía condiciona unha paisaxe de elevacións e altiplanicies ata os mil metros. Conserva boas manchas boscosas como as carballeiras e pozas do Verdugo ou as do río Xesta, preto da localidade da Lama. Nos altos son frecuentes os pasteiros e, precisamente, o aproveitamento gandeiro deu orixe aos chouzos. Estes refuxios de pegureiros son robustas edificacións de granito, con paredes que superan o medio metro de grosor e teitos de grandes laxes sobre as que a carriza serve de illante térmico. No interior, salientan os arcos que sorprenden pola súa amplitude e fábrica de ermida para albergar o gando da serra. Nos últimos tempos estas construcións cuxa orixe se remonta á Idade Media foron rehabilitados. Outros puntos de interese son o Foxo do Lobo, no lugar dos Foxos, onde aínda se pode ver o antigo sistema para cazar este animal; o cume de Faro en Avión e as carballeiras de Barragán, entre os concellos de Pazos de Borbén e Fornelos de Montes. Xa na vertente ourensá, as fervenzas do Tourón, e os pequenos cadoiros que se forman coa choiva preto da aldea de Mouriscados. Nesta vertente ten a súa nacente o río Avia que une as súas augas ao Miño.

A FEG denuncia a construción de centrais hidroléctricas en ríos propostos para a Rede Natura 2000 na Serra do Suído

2008-08-18T19:45:00.002+02:00

A Federación Ecoloxista Galega denuncia a "inminente construción" de varias centrais hidroeléctricas que ameazan varios ríos da Serra do Suído protexidos e propostos pola Xunta para formar parte da ampliación da Rede Natura 2000.

A FEG oponse á existencia de "políticas ambientais contraditorias" promovidas pola consellería de Medio Ambiente, xa que sinalan que os técnicos do propio departamento recoñecen o dano que se pode ocasionar a estes ríos.

Así, critican que continúen as prácticas de "augas toldadas" nos ríos da Serra do Suído –(Parada, Oitavén, Xesta, Verdugo, Tea e Couso, nos concellos pontevedreses da Lama e Fornelos de Montes, Pontecaldelas e Soutomaior e no ourensán de Avión).

Para os ecoloxistas, resulta "intolerábel" que Medio Ambiente "dea cancha" a proxectos de centrais hidroeléctricas localizados en ríos protexidos, cunha importancia ecolóxica ou historicamente sobreexplotados, e que reaccione "só cando os colectivos sociais se mobilizan". "Moitos expedientes continúan a súa tramitación á espera de se colan ou a ver que sucede", aseguran.

Así, cos proxectos presentados poderían instalarse novas centrais no río Oitavén (Salto de Eiras II e Salto do Corope) como no Verdugo (Salto da Boca do Inferno), incluídos na proposta da Rede Natura 2000 e de gran importancia ecolóxica, posto que permiten manter a conexión entre os espazos protexidos da Ensenada de San Simón e a Serra do Suído.

Sobreexplotación eléctrica

Ademais, recordan que a zona sofre xa unha sobreexplotación eléctrica, con varios saltos nos seus leitos fluviais que eliminan os lugares de cría para a reprodución do salmón no primeiro tramo do Verdugo e coa implantación de parques eólicos. Segundo a FEG, esta área necesita unha protección "efectiva e inmediata" para a súa conservación. Así, a "falla de verdadeiras políticas sostíbeis e ambientais" está provocando que os valores naturais e paisaxísticos da Serra do Suído estea "desangrado", e afecta xa que logo non só á paisaxe, senón tamén á integridade ecolóxica do lugar e á fauna de río, e incrementa ao mesmo tempo o seu efecto negativo na poboación.

Adega pide aos veciños de Avión que non vendan terras para a minicentral

2008-08-09T18:56:00.003+02:00

A Asociación para a Defensa Ecolóxica de Galicia (Adega) pediu aos veciños a aldea de Pascais, no municipio ourensán de Avión, que non vendan as súas terras á empresa que teña o encargo de construír unha minicentral no río Couso.

Adega considera "incorrecta" a avaliación do impacto medioambiental aprobada polo Ministerio de Medio Ambiente no BOE do pasado 14 de xullo, ao entender que non describe a vextación da zona afectada nin prevé a destrución dun quilómetro do río. A presa prevista é un exemplo de desenvolvemento "*nsostile", segundo os ecoloxstas, que non supoñerá o aforro de *CO2.

Argumenta ademais que esta minicentral sumarase, na mesma zona, a varios parques eólicos en Avion e o embalse de Alvarellos, a poucos quilómetros de Pascais. Infraestructuras de produción de enerxía que, segundo a asociación ecoloxsta, non xeran postos de traballo nin apenas beneficios para os veciños da zona.

Utilidade pública

A negativa dos veciños a vender as terras podería non ser obstáculo para a construción da minicentral hidroeléctrica. Se a Consellería de Innovación e Industria catalogásea como de ?utilidade pública?, a empresa privada tería dereito a emprender a vía de expropiación forzosa, trámite que se reserva xneralmente como última medida polo custoso e prolongado do proceso.

Auga da terra da auga

2008-08-07T17:34:00.003+02:00

Desta volta a desgraza recaeu no río Couso, pero lembremos que xa no ano 1996 houbo un expediente sancionador incoado contra o concello de Avión por vertido de augas reisiduais no cauce do río Avía, nos núcleos de Avión e Abelenda, sen contar coa preceptiva autorización administrativa, no término municipal de Avión, no periodo 01-03-92 o 15-03-95...

Así que amiguiños, se queremos recordar os ríos como na nosa infancia, somos nos os que temos que loitar por eles, loitar pola natureza de Galiza, loitar contra os abusos das empresas electricas...

Dende aquí decimos non as empresas hidroelécticas e non as empresas eólicas!!!! Empresas hidroeléctricas fóra da Galiza!!!!

Central hidroélectrica no río Couso

2008-08-05T21:37:00.008+02:00

Temos o encoro de Albarellos, parque eólico, gasoducto atravesando o concello e agora véñennos co conto de que queren montar unha central hidroélectrica no río Couso.

Val no que pretenden instalar a central.

Vistas da Aldea de Pascais, e o gaseoducto a súa dereita.

Un río aprezado pola súa vexetación, as súas troitas... Unha zoa que tenta recuperarse dos debastadores incendios de hai un par de veráns e que agora se atopa con outra atrocidade... Istas son as herdanzas que nos quedan do señor Fraga e o seu goberno do PP.

Dúas semanas antes da súa disolución, a Confederación Hidrográfica do Norte informou favorablemente o impacto ambiental dista minicentral no río Couso, en Avión. Unha canle protexida "desde o seu nacemento ata o seu desembocadura" por interese medioambiental.

Son tres as empresas as que compiten por ista adxudicación:

Cortizo Hidroeléctica:

A proposta de Cortizo pasa por un azud de dous metros de altura sobre a canle e 48 de lonxitude, unha tubería forzada de 320 metros e unha central de 9 metros como máximo de alto. A liña para dar saída á produción non está fixada. Medio Ambiente critica que a documentación aportada "define de forma moi xeral" as actuacións previstas e as características "do medio afectado", pero non ve maiores problemas. Na visita á zona, os técnicos do Ministerio de Elena Espinosa comprobaron in situ a posibilidade de "unha afección" á canle de Couso por "arrastros dos materiais do val producidos polo movemento de terras" durante as obras e "a posibilidade" de cruzarse cun gasoducto. Por iso, o si está condicionado a que se verifique o choque co conducto de gas, revísense os caudales ecolóxicos, a que se evite a caída de materiais ao río e enterrar a liña eléctrica.

Hidroeléctrica Cortizo pertence ao grupo do empresario de aluminios José Manuel Cortizo que, segundo sentenza do Tribunal Superior de Xustiza de Galicia, ocupou ilegalmente terreos para construír a central do Umia

Hidroélectrica de Avión:

O tramo afectado por Hidroeléctrica de Avión é de 3.820 metros, cun azud de dous metros e medio, e unha central que ocupará 218 metros cadrados. Máis exquisito, o informe medioambiental recoñece impacto sobre as migracións das troitas, a redución de caudais e a afección para as ladeiras do río pola tubería de derivación.

Trás ista empresa atópase o empresario Luís Castro Valdivia, cuñado de Ramón Ordás, ex director xeral de Industria, Enerxía e Minas do PP e investigado pola Fiscalía por posible prevaricación ao beneficiar supostamente a Valdivia coa concesión de licenzas para o negocio hidráulico.

Enerxías de Galicia:

Enerxía de Galicia aposta por un azud de 3,5 metros e unha central de 25 por 10. O propio estudo que presenta a empresa fala de "un impacto ambiental alto", aínda que sen especificar os efectos que terían as obras, únicamente as da balsa. Medio Ambiente sinala os efectos sobre a poboación de troitas e sobre a paisaxe coa tubería de derivación.

En Engasa figura o enxeñeiro xefe da Diputación de Ourense, Manuel Rodríguez-Portugal, investigado por corrupción.

En fin...a corrupción chega agora ós nosos ríos e vales, e de tras das empresas que compiten por estas obras, persoaxes de dudosa credibilidade... e a fin dos nosos ríos, dos nosos montes, das nosas viñas, patacas... e todo polo a fán de dous ou tres señoritos de cidade que pouco lle interesa a nosa terra!!!

A Historia do noso Concello

2008-07-03T21:22:00.003+02:00

SITUACIÓN E CARACTERÍSTICAS XEOGRÁFICAS

O Concello de Avión, está situado na zona alta do Ribeiro.

O seu río máis importante é o Avión, que se xunta logo co Avía, que ten ademáis como afluentes o Couso, Taboaxas, Vilariño, Balaga, Cubeta é Foloso; sendo os seus montes principais o Faro de Avión, Pena Corneira, Pedrido e o Suido.

O TÉRMINO MUNICIPAL NO ANTIGO RÉXIME

As parroquias que hoxe compoñen o concello de Avión, figuraban no antigo rexime, todas elas na xurisdici´n de Avión, entón como agora pertencente a provincia de Ourense.

OS PRIMEIROS AXUNTAMENTOS CONSTITUCIONAIS

No término municipal de Avión só se formalizou un axuntamento costitucional co nome de Abión, sendo as suas das que formaron parte en marzo de 1820, po partido xudicial de Ribadavia.

O axuntamento constitucional de Avión, figura no "Estado" que fai a diputación de Galicia emtre tódolosaxuntamentos da mesma para o repartimento da quinta do ano 1821, figurando nel coa obriga de entregar seis homes e un cuarto máis. No repartimento de territoral que fai a mesma deputación o 13 de setembro de 1821, o axuntamento de Avión figura con 36.858 reás e 2 maravedís, e no de Consumos do 2 de octubro do mesmo ano, con 11.066 reás e 31 maravedís. Despois de Leiro e Ribadavia, o de Avión e o axuntamento más importante polo cupo imposto nesres repartimentos, mentres que no de quintas é o primeiro polo número de homes a entregar.

Pero feita no ano 1822 a división de Galicia en catro provincias, no hoxe concello de Avión, instalouse outro máis, ode couso de Avión, figurando os dous e xa con "v", no reparto da contribució de consumos para o ano 1822-1823, que fai a deputación de Ourense.

A DIVISIÓN MUNICIPAL DO R.D. DE 23 DE XULLO DE 1835

Houbo un expediente sobre a organización dos axuntamentos do partido xudicial de Ribadavia, presentado na sesión do 31 de outubro de 1835, da deputación provinvial, e que pasou a informe dunha comisión composta polo diputado do partido e dous máis, e que presentou o mesmo na sesión do 2 de novembro de 1835, atópandoo a deputación moi conforme, e acordando remitrillo o Gobernador Civil.

A "Lista" de tódolos axuntamentos da provincia novamente bos once partidos dela, foi publicada, no que o partido xudicial de Ribadavia se refire, no BORPOR, do 14 de xuño de 1836, e nela figura a partida de nacemento do concello de Avi´n, que literalmente di:

Capitales de los Ayuntamientos: Amiudal

Parroquias de que se componen: Abión San Justo, Barroso Sta Eulal, Amiudal Santiago, Corcores Santa María, Abelenda Santa Marina, Nieva Sta María, Couso Sta María.

Jurisdición a que pertenecen: Abión

Estafeta: Amiudal.

AS VARIACIÓS QUE SE PRODUXERON DESPOIS

Se ben a extensión do término municipal non sufreu cariación neste século e no que transcurre dende o ano 1836, si a houbo no que atinxe o número de parroquias que de sete que tiña daquela pasou as nove que ten agora, con dúas novas: Baiste, sta María, segregada da de Sta María de Cousoé cortegazas, san Antonio co só lugar do seu nome, segregada a sta eulalia de Barroso, da que eclesiasticamente é anexo.
E temos que falar tamén do cambio de nome do concello de Amiudal o de Avión, procedente do cambio de capitalidade.

ENTIDADES E PARROQUIAS

O número de entidades singulares de poboación coas que figura no Nomenclator 1981, o concello de Avión, é de 28, que se clasifican desta forma: Lugares, 26, é Aldeas, 2, agrupados en 9 parroquias.

As entidades de maior poboación son a capital actual, o lugar do Igresario, seguda por Abelenda e Amiudal.

As de menos poboación son A Carixa, Acebedo e Cortegazas.

A media de poboaci´n das entidades singulares é de 142 habitantes e a poboación media por parroquias de 443.

A CAPITAL MUNICIPAL

No Madoz e no que él chama axuntamento de Abión (Abelenda de), informa que dende a última división territorial ata xuño de 1843, o axuntamento resideu en Amiudal, pero trasladouse a feligresia de Abelenda de Avión, polo foro da sua antiguedade, e por ser a mais poboada, se ben en ela non hai casa municipal. No Carreras, dise que a capital do axuntamento residiu na parroquia de Amidal,e despois na de Abelenda, e que hoxe ben sinalada na de San Xusto.

Sen dúbida, e como miramos na lista do ano 1836, o axuntamento que agora coñecemos co nome de Avión, comezou a chamandose e tendo a capital en Amiudal, pero en xuño do 1843, trasladou a capitalidade a parroquia de Abelenda, pero daquela, e ainda que no Madoz figure como axuntamento de Abion, seguia oficialmente co nome de amidal, como o demosa a relación aprobada pola SM por RD de 24 de xuño de 1846, e publicada no BOPOR, extraordinario do 1 de xullo de 1846.

O NOME

Temos que partir do feito de que ningunha entidade singular de poboacin do termino leva o nome de Avión, e que este feito foi o título dunha xurisdición que abranguía a totalidade do concello de hoxe, sendo ademáis o de unha parroquia que xa no Floridablanca aparecia como tal. Compre tamén teñamos en conta as sucesivas denominacións: Avión, na etapa liberal constitucional; Amiudal, na lista de 1836; é, Abelenda de Avión, dende o 1843; e logo, no censo de 1860, Avión. As entidades de Amiudal e de Abelenda, proceden dos nomes das parraquias respectivas, e foron capitais do axuntamento. Tamén o nome de Avión se corresponde co dunha parroquia, pero nos coidamos que a sua orixe está no da xurisdición que serve para definir e situar o axuntamento, que dentro do término eno ano 1822, se constitue co nome de couso de Avión,e igualmente o que lle sucede a amiudal, no 1843, Abelenda de Avión.

Orzamentos municipais

2008-06-15T22:46:00.000+02:00

O pasado 29 de Abril, aprobouse no Concello de Avión o orzamento munipal para o ano 2008, catro meses despois do comezo do ano.
Este orzamento foi rexeitado, por Fernando Rosendo, concelleiro do BNG principalmente por tres cuestións básicas:

1. Catálogo dos postos de traballo e cadro de persoal da corporación.

Pois niste punto recóllese a partida, outro persoal, onde non se determina, a estas alturas do ano, a que tipo de persoal se estan a referir ou se ten pensado contratar, senón que se xustifica como “persoal laboral financiado íntegramente pola Corporación” ou “o resto de persoal laboral que deba ser financiado, todo ou en parte, con subvencións ou achegas doutras Administracións Públicas”

2. Estudio de custos para a determinación da taxa pola prestación de servizos no centro integral de servizos sociais “Alvetus”.

Ningunha das actividades levadas a cabo polo centro de servicios sociais Alvetus cubre os seus costes, e no seu conxunto presenta un déficit de 165.865 euros.

3. Investimentos reais

Descontados todólos gastos os que debe facer frente o concello, tan só 255.250 euros, un 12,90% do orzamento total, son destidados a inversións reais. Debido as características propias da superficie e distribución das distintas parroquias do concello, é unha cantidade insuficiente para atender as deficiencias en infraestructuras que na actualidade se presentan nas diferentes poboacións.

Todos co Sahara

2008-06-11T22:17:00.000+02:00

Se estas canso de que a situación no Sahara empeore ano tras ano, únete coa túa firma, en http://www.todosconelsahara.com/, entre todos conseguiremos que o goberno español recoñeza o status diplomático do fronte polisario

O pasado venres a Policía Autonómica clausurou o bingo ilegal promovido polo Concello de Avión

2008-06-11T21:57:00.000+02:00

Tres meses foi o que durou esta iniciativa, promovida pola Fundación Avión e consentida polo Concello de Avión.

Ben sabían que era unha actividade que dende os seus inicios rozaba a ilegalidade, xa que ainda que comezou como unha actividade social para entreter os maiores, pouco a pouco e influidos pola afluencia de xente nova, comezouse a vender café, refrescos,etc. e por suposto que se podía fumar, que importa que nesas aulas entre semán acudan nenos a realizar diversas actividades. Nuns comezos o carton ía a 0.30 céntimos, pero a ambición levounos a subir o prezo a euros, case coma no bingo!!!

Agora, coma sempre os que imos sufrir as consecuencias imos ser os propios veciños, as multas pagámolas entre todos, é a verdade xa estamos algo cansos. Niste caso, fálase de alo menos 18.000 euros, pola residencia xa foran 6.000 non??

É o momento de esixir responsabilidades, o Ilustrisimo Alcalde de Avión, tanto como alcalde coma Presidente da Fundación Avión, o secretario, Alejandro de Diego Gómez, como unha persoa con tanta formación e responsabilidade pode consentir tales actividades??

Por suposto que dende o Bng estamos a favor de promover actividades tanto para nenos, maiores e público en xeral, pero sempre da legalidade...por exemplo campañas para o fomento da lectura, ximnasia, cursos de fotografía, cociña...

MADE IN GALIZA

2008-05-26T20:26:00.001+02:00

Ainda non liches este libro?? Eu tampouco, pero seguro que será o próximo que merque!!!

Un libro que procura a fórmula da liberdade na punta da lingua. Un libro de historias orixinais como cada unha das persoas e dos pobos que coñecemos ou soñamos: únicos. Un libro que conta contigo para ler o mundo con palabras que tamén son túas. Un libro difícil de soñar, como a vida mesma. Contraditorio, inocente, emocionante, creativo, rebelde: un libro Made in Galiza.

Un libro comprometido coa nosa lungua e máis co xogo da imaxinación.

CONSORCIO GALEGO DE SERVIZOS DE IGUALDADE E BENESTAR

2008-05-25T20:14:00.000+02:00

O Consorcio Galego de Servizos de Igualdade e Benestar, integrado pola Vicepresidencia da Xunta de Galicia e por 246 concellos galegos, é a fórmula xurídica escollida para unha xestión moderna e innovadora dos servizos sociais.Algunha das vantaxes deste modelo é a de que se poida garantir a prestación de servizos de calidade con niveis suficientes de cobertura, a flexibilización do acceso e do uso dos recursos sociais e a mellora dos dispositivos de coordinación.

Igualmente, redundará en beneficio da eficiencia e da eficacia no desenvolvemento das competencias propias da Xunta, tanto na planificación coma na programación, na ordenación e na coordinación do Sistema Galego de Servizos Sociais. Dende a Vicepresidencia da Xunta apóstase pola posta en marcha de políticas sociais do século XXI, modelos innovadores que apostan decididamente pola iniciativa pública e por un compromiso de xestión en clave de País. Trátase dun sistema de servizos que ten por obxectivo cohesionar e artellar socialmente o país, con intervencións dirixidas a consolidar o noso tecido sociocomunitario, reforzando os vencellos sociais e combatendo os procesos de desestructuración terriotorial e social que os debilitan.

O 13 de Outubro do ano 2006, o BNG DE AVIÓN representado por Fernando Rosendo, solicita a incorporación do concello de Avión a dito consorcio, no pleno celebrado ese mesmo día.

Fernando ROSENDO DOMÍNGUEZ, portavoz do BNG no concello de AVIÓN, ao abeiro da lei de Administración Local de Galiza e demáis disposicións concordantes, apresenta para o seu debate e aprobación, se procede, a seguinte MOCIÓN, PARA INTEGRAR AO CONCELLO DE AVIÓN NO CONSORCIO GALEGO DE SERVIZOS DE IGOALDADE E BENESTAR.

EXPOSICIÓN DE MOTIVOS

O pasado 7 de Abril do 2.006, o Vicepresidente da Xunta, Anxo Quintana, e o presidente da FEGAMP, Xosé Crespo, presentaron o CONSORCIO GALEGO DE SERVIZOS DE IGOALDADE E BENESTAR, unha fórmula de xestión pioneira entre a Xunta e os concellos galegos das políticas de Igoaldade e a Rede Pública de Sevizos de Atención á 3ª idade e á Dependencia.

O 24 de Abril de 2.006, asinouse o correspondente protocolo entre a VICEPRESIDENCIA DA IGOALDADE E DO BENESTAR de Xunta de Galiza e a FEDERACIÓN GALEGA DE MUNICIPIOS E PROVINCIAS (FEGAMP), para o desenvolvemento –mediante os instrumentos legais oportunos-, de proxectos e actuacións conxuntas, para a creación de novos equipamentos e infraestruturas, de mantemento dos mesmos e de xestión dos servizos e programas de atención, coa finalidade última de garantir o aceso de todos os cidadáns e cidadás que os precisen, a uns servizos publicos de calidade.

Por parte da Vicepresidencia da Xunta destácase que deste xeito garántese o financiamento plurianual de cada proxecto, procurando estabilidade e rematando coas “incertidumes” que ata o de agora padecían neste eido moitos concellos galegos.

Por parte da FEGAMP, tamén se amosaron satisfeitos pola creación deste Consorcio asegurando que a maioría dos concellos galegos quererán participar neste sistema que pode aportar moito á optimización dos centros prestadores de servizos sociais para sacarlles máis rendibilidade no eido local.

En todo caso, a creación do CONSORCIO GALEGO DE SERVIZOS DE IGOALDADE E BENESTAR ten as seguintes finalidades:

A. A necesidade de garantir a responsabilización pública e a cooperación INTERADMINISTRATIVA na efectiva prestación dos servizos locais de ámbito local en termos de equilibrio territorial, de calidade e baixo o principio básico de proximidade.
B. Modificar o modelo de prestación se servizos sociais existente, coa finalidade de paliar as deficiencias que presenta de oferta insuficiente, carácter fragmentario e discontinuo a efectos de xestión e cobertura territorial e falla de mecanismos efectivos de coordenación.
C. A de implantar un modelo homoxéneo –en todo o país-, na prestación dos servizos sociais, garantindo o aceso de todos os galegos e galegas a uns servizos públicos de calidade, a través dunha oferta de recursos suficiente e equilibrada territorialmente; incremento dos níveis de cobertura e contribuir, en definitiva, á mellora das condicións de vida e sociais das persoas que presentan especiais necesidades de proteción social, etc.

Asímesmo, a integración no Consorcio permitirá ao concello de Avión participar na direción, avaliación e control da xestión dos ditos servizos sociais de ámbito local, e dicir, o Consorcio prevé que “a administración directa dos centros será exercida polos concellos integrantes do Consorcio que así o soliciten, sempre de acordo coas directrices xerais emanadas do mesmo”.

Por todo o anterior; e tendo en conta a importancia e a necesidade de garantir e ampliar este servizo, para o Concello de Avión, o BNG somete á consideración do Pleno da Corporación, a adopción do seguintes:

ACORDOS

1. Aprobar o proxecto de Estatutos do Consorcio Galego de Servizos de Igoaldade e Benestar.
2. Aprobar a integración do Concello de Avión no CONSORCIO GALEGO DE SERVIZOS DE IGOALDADE E BENESTAR e a sinatura do correspondente convenio de integración.
3. Facultar ao Sr. Alcalde de Avión para a execución de cantos trámites sexan precisos para o bó fin destes acordos e, en particular, para suscribir e asinar os documentos pertinentes para a formalización e desenvolvemento da incorporación do concello, ao antedito Consorcio.

Avión, 13 de Outubro do 2006.

Asdo.: Fernando ROSENDO.
Concelleiro do BNG de Avión

Niste caso, a próposta do BNG de AViÓN foi rexeitada pola corporación municipal e as consecuencias estámolas a sufrir na actualidade, como se reflexa no último presuposto orzamentario do concello cun déficit de 165.000 euros. Ante ista situación, o alcalde do concello, Antonio Montero, séguese negando a incorporarse o consorcio, xa que vicepresidencia non aportou nada para a construcción da residencia é "las pérdidas las asumirá el Concello con los impuestos y las subvenciones".

¿Non sería millor que Vicepresindencia se ocupara da residencia é poder dispoñer deses cartos para outras iniciativas?

¿Por qué motivo se negan a perder o control sobre o centro social Alvetus?

...estaría no sangue que eu fose economista???

2008-05-22T23:04:00.000+02:00

...Desta volta atopeime cunha morea de documentos, nos que a xente se prestaba cartos entre sí e xa daquela, usaban como testemuñas os veciños do pobo...iste papel foi asinado en Liñares, terra natal do meu pai...no ano 1925 e non é ata 1940 cando meu bisavó devolve os cartos, espero que o tipo de xuros aplicados non fose moi elevado!!!! e casualidades de la vida a quen se lle devolven os cartos e a María Suárez, nai de Benito Martínez, meu padriño!!!

2008-05-15T23:06:00.001+02:00

Relación de bens, 1949.

2008-05-15T23:01:00.001+02:00

Imposto de Dereitos Reais e Transmisión de Bens, 1898

Bodegas en Amiudal...

2008-05-15T22:12:00.001+02:00

...Os veciños de Avión somos reacios a identificarnos coa Comarca do Ribeiro, pero se cadra en tempos pasados a cousa non era así. Poidera ser que o viño fora tamén unha fonte importante de recursos para os nosos antepasados, pois é ben sabido que en pobos como Pascais, un dos poucos do concello no que se segue a recolleitar o viño ano tras ano, ou en Amiudal, onde as antigas bodegas perduran no tempo .
Os nosos avós, tíos ou veciños máis vellos agrádalles falar daquelas tardes de verán que pasaban na "Pedreira", traballando e que remataban cunha boa cunca de viño, daquel que gardaban nas adegas, preto da presa de "Xustos".
Unha tarde de inverno falando, con miña tía Herculina, do pasado dos "conchousos" amosoume unha caixiña de ferro, que foi pasando de xeración en xeración, chea de tesouros. Entre elas atópase un documento de "Impuesto de Derechos Reales y Transmisión de Bienes" de nada máis e nada menos que 1898, na que, meu tataravó, Camilo conchouso, tributaba por unha bodega sita na Pedreira e 40 ovellas. Vaia riqueza!!!
Ísta, segue en mans da miña familia e podémolo observar nas relacións de bens a morte de meus bisavós.
Pouco a pouco ireivos amosando todos eses documentos.